Şirkət Haqqında

“AZEICG” şirkəti Azərbaycan, Rusiya və Mərkəzi Asiya ölkələrində yeni dərman preparatlarının hazırlanması və istehsalı sahəsində fəaliyyət göstərən, əsas müalicəvi komponenti ağ, qətrandan təmizlənmiş naftalan və naftalan yağı olan yeganə və aparıcı farmasevtik müəssisələrdən biridir.

Şirkətin fəaliyyəti dövründə kimya, biologiya, biokimya, farmakologiya, mikrobiologiya sahələrində çalışan mütəxəssislərimiz, eləcə də həkimlər – travmatoloqlar, dermatoloqlar, proktoloqlar, uroloqlar, ginekoloqlar, nevroloqlar, revmatoloqlar, cərrahlar və kosmetoloqlar tərəfindən yeni yerli dərman preparatları hazırlanmış və patentləşdirilmişdir.

• Prostat-Naft – prostat adenomasının müalicəsi və profilaktikası üçün rektal şamlar

• Ginek-Naft – sonsuzluğun müalicəsi üçün vaginal şamlar (Avrasiya Patenti № 004716)

• Psori-Naft – psoriazın müalicəsi və profilaktikası üçün məlhəm

• Dermo-Naft – müxtəlif etiologiyalı dermatozların müalicəsi üçün məlhəm
  (Avrasiya Patenti № 006948)

• Hemor-Naft – xarici babasilin müalicəsi və profilaktikası üçün məlhəm

• Hemor-Naft – daxili babasilin müalicəsi üçün rektal şamlar

Unikal müalicəvi Naftalan plastırları hazırlanmışdır:

• Revmo-Naft – revmatik xəstəliklərin müalicəsi və profilaktikası üçün

• Nevro-Naft – nevroloji xəstəliklərin müalicəsi və profilaktikası üçün

• Travmo-Naft – travmaların müalicəsi və profilaktikası üçün
  (Avrasiya Patenti № 004716)

Hazırda qeyd olunan şam və məlhəmlərin klinik sınaqları və qeydiyyatı aparılır. Naftalan plastırlarının istehsalı üzərində işlər davam edir.

Qətrandan təmizlənmiş naftalan əsasında Moskva Farmasevtika Fabriki tərəfindən “Qadın Sehrləri” adlı kosmetik xətt – əllər üçün qoruyucu və cavanlaşdırıcı krem istehsalına başlanılmışdır. “Ulduz Xətti” adlı 46 adda məhsuldan ibarət müalicəvi kosmetika sahəsində tədqiqatlar aparılır.

Biz dünyada ilk dəfə olaraq hidromassajlı vannalarda qətrandan təmizlənmiş naftalanın tətbiq edildiyi Ağ Naftalan vannaları ilə müalicə texnologiyasını hazırlamış və ticarət nişanı almışıq. Bu üsul naftalanın bioloji əlçatanlığını artırır və klassik naftalan vannaları ilə müqayisədə daha komfortlu və estetikdir.

Rusiyada şirkətimiz naftalan neftinin vakuum distillasiyası və hidrokrekinq üsulu ilə emalı sahəsində pionerdir. Qatran, çirk, su, asfaltenlər və aromatik karbohidrogenlərdən təmizləndikdən sonra müalicəvi xüsusiyyətlər artır, yan təsirlər və toksik təsir azalır.

Şirkətimizdə qətrandan təmizlənmiş naftalan və naftalan yağı mövcuddur. Rusiyada ilk dəfə olaraq naftalan yağı sertifikatlaşdırılmış və müalicə metodikaları təsdiqlənmişdir.