RU
UZ
EN
Qadın sağlamlığı problemi kifayət qədər həssas mövzudur. Ginekoloji xarakterli problemlər yarandıqda qadınlar çox vaxt bunu ictimailəşdirməməyə çalışırlar. Bəzən hətta qorxulu diaqnoz eşitməkdən çəkinərək həkimə müraciət etməkdən də yayınırlar. Özünümüalicə ilə məşğul olurlar ki, bu da ümumilikdə qadın sağlamlığı üçün ciddi mənfi nəticələrə səbəb ola bilər. Statistik araşdırmalara görə, reproduktiv yaşda olan qadınların təxminən 60%-i ginekoloji xəstəliklərdən əziyyət çəkir. Bu isə təsadüfi deyil.
Müasir qadın aktiv həyat tərzi sürür. Sonsuz stress, ağır fiziki və emosional yüklənmələr, daxili orqanizmdəki problemlərlə birlikdə ginekoloji xəstəliklərin yaranması və inkişafı üçün bir növ katalizator rolunu oynayır. Lakin müasir tibb cinsiyyət sistemi xəstəliklərinin bir çoxunu kifayət qədər uğurla müalicə etməyə imkan verir.
Naftalan terapiyası ginekoloji və uroloji xəstəliklərin, iltihabların, infeksiyaların və nəticə etibarilə sonsuzluğun müalicəsində uzun illərdir ən effektiv üsullardan biri kimi istifadə olunur. Sonsuzluq bu gün geniş yayılmış xəstəlikdir və ovulyasiya pozğunluğu, başqa sözlə, polikistoz yumurtalıq sindromu; iltihabi xəstəliklər – yumurtalıqların iltihabı (ooforit), uşaqlıq borularının iltihabı (salpingit), artımların iltihabı (adneksit), xarici cinsiyyət orqanlarının iltihabı (vulvit), endometrit, menstruasiya pozğunluqları, amenoreya, həmçinin menopauza və klimakterik sindrom əlamətləri ilə əlaqəlidir. Siyahını davam etdirmək olar. Lakin sadalanan xəstəliklər bizə ən çox müraciət edilən problemlər sırasındadır.
Naftalanın komponentləri orqanizmin daxili mühitinə daxil olaraq qadın və kişi cinsiyyət orqanlarının toxumalarına birbaşa təsir göstərir, iltihab mediatorlarının aktivliyini azaltmaqla güclü iltihabəleyhinə və ağrıkəsici təsir göstərir. Şişkinliyi azaldır, yaraların sağalmasına, iltihab ocağında yaranmış çapıq və bitişmələrin yumşalmasına və sorulmasına kömək edir. Vaginal mühitin təmizlik dərəcəsi yaxşılaşır və turşuluq səviyyəsi artır. Kiçik çanaq orqanlarında qan dövranı, toxumaların qidalanması və regenerasiyası yaxşılaşır. Ümumi və lokal immunitet güclənir, ağrıkəsici və neyrotrofik təsir göstərir. Bakteriya, virus və göbələklərin artım və çoxalması ləngidilir və onların məhvinə şərait yaradır, eyni zamanda mikrofloranı yaxşılaşdırır. Naftalan kompleks təsirə malikdir: iltihabəleyhinə, sorucu və desensibilizasiyaedici təsir göstərir. Ağrını azaldır, kiçik çanaq orqanlarına qan axınını artırır, immun müdafiəni gücləndirir, sözün həqiqi mənasında qadın cinsiyyət orqanlarını zədələyən patogen mikroorqanizmləri “məhv edir”. Naftalan prosedurları toxumaların vacib elementlərlə qidalanmasını artırır, çapıqların sağalmasına və tikişlərin yumşalmasına kömək edir. Tərkibində antibiotik xüsusiyyətli maddələr olduğuna görə bakterisid təsirə də malikdir.