RU
AZ
EN
Naftalan moyi naften uglevodorodlaridan iborat bo‘lib, oson mavjud moddadir, nativ Naftalandan vakuum distillatsiya va gidrokreking usuli bilan olinadi. Tarkibida 99,8% naften uglevodorodlari mavjud bo‘lib, ular sezgirlikni kamaytiruvchi, yallig‘lanishga qarshi, og‘riq qoldiruvchi, yaralarni tez bitiruvchi, spazmga qarshi, so‘riluvchi, qichishishga qarshi va antibakterial ta’sirga ega.
Qatranidan tozalangan naftalan nefti
Qatranidan tozalangan Naftalan oson mavjud bo‘lgan moddadir, u nativ Naftalan neftidan vakuum distillatsiya va gidrokreking usuli bilan olinadi.
Rafinatsiyalangan naftalan nefti
Rafinatsiyalangan Naftalan nefti FS 42-1957-82 farmakopeya maqolasiga mos kelishi lozim. U yashilimtir flyuorestsensiyaga ega bo‘lgan, o‘ziga xos hidli, kuchsiz kislotali reaksiyaga ega, qora rangli quyuq siropsimon suyuqlikdir. Su bilan aralashmaydi. Glitserin, serezin, yog‘lar, moylar, parafin va mum bilan barcha nisbatlarda aralashadi (GF-X, 75-bet). Zichligi 0,918–0,958 (GF-X, 772-bet). Qaynashning boshlang‘ich harorati Selsiy bo‘yicha 160 darajadan past bo‘lmasligi kerak (GF-X, 769-bet). Su miqdori 0,5% dan oshmasligi lozim (GF-X, 772-bet).
Rafinatsiyalangan Naftalan nefti asosan dori vositalarini tayyorlash va ishlab chiqarishda qo‘llanilgan. Sariq Naftalan malhami, vismut-tanin-rux-naftalan malhami, Naftalan nefti, salitsilo-naftalan malhami, Naftalan asosidagi oltingugurtli malham, “tiolan” malhami, bor-rux-naftalan pastasi, rux-naftalan pastasi, oltingugurt-rux-naftalan pastasi, ixtiol-rux-naftalan pastasi, naftalan-fitonsid emulsiyasi, rafinatsiyalangan Naftalan nefti, Naftalan, naftalan moyli pastillalar, davolovchi mastika – 200 dan ortiq nomdagi preparatlar.
Nativ naftalan nefti
Naftalan – quyuq, qora-jigarrang yoki jigarrang rangdagi suyuqlik bo‘lib, tashqi ko‘rinishi jihatidan sanoat neft turlaridan kam farq qiladi. Naftalanning o‘ziga xos xususiyati uning yuqori solishtirma og‘irligidir (0,927 dan 0,970 gacha), bu birinchidan, yengil fraksiyalarning kam miqdorda bo‘lishi (boshqa neftlarda bu ko‘rsatkich 50% gacha yetadi), past qaynaydigan va parafin qatoriga mansub qattiq uglevodorodlarning yo‘qligi, ikkinchidan esa naften va aromatik uglevodorodlar hamda smolalarning yuqori miqdorda bo‘lishi bilan izohlanadi.