RU
UZ
EN
Naftalan yağı naften karbohidrogenlərindən ibarətdir və asan əldə olunan maddədir, nativ Naftalan neftindən vakuum distillə və hidroqırılma üsulu ilə alınır. Tərkibində 99,8% naften karbohidrogenləri vardır və bunlar həssaslığı azaldan, iltihab əleyhinə, ağrıkəsici, yaraların sağalmasını sürətləndirici, spazm əleyhinə, həlledici, qaşınma əleyhinə və antibakterial təsir göstərir.
Qatranından təmizlənmiş naftalan nefti
Qatranından təmizlənmiş naftalan asan əldə olunan maddədir və nativ Naftalan neftindən vakuum distillə və hidroqırılma üsulu ilə əldə edilir.
Rafinə olunmuş naftalan nefti
Rafinə olunmuş Naftalan nefti FS 42-1957-82 farmakopeya məqaləsinə uyğun olmalıdır. Bu, yaşılımtıl flüoressensiyaya malik, özünəməxsus qoxulu, zəif turş reaksiyalı qara rəngli, qatı şərbətəbənzər mayedir. Su ilə qarışmır. Qliserin, serezin, yağlar, piylər, parafin və mumla bütün nisbətlərdə qarışır (GF-X, səh. 75). Sıxlığı 0,918–0,958-dir (GF-X, səh. 772). Qaynama temperaturunun başlanğıcı 160 dərəcə Selsidən aşağı olmamalıdır (GF-X, səh. 769). Su tərkibi 0,5%-dən çox olmamalıdır (GF-X, səh. 772).
Nativ naftalan nefti
Naftalan qara-qəhvəyi və ya qəhvəyi rəngli, xarici görünüşünə görə sənaye neft növlərindən az fərqlənən qatı bir mayedir. Naftalanın fərqləndirici xüsusiyyəti onun yüksək xüsusi çəkisidir (0,927-dən 0,970-ə qədər) ki, bu da bir tərəfdən yüngül fraksiyaların az miqdarda olması (digər neftlərdə bu göstərici 50%-ə qədər çatır), aşağı qaynama temperaturuna malik və parafin sırasına aid bərk karbohidrogenlərin olmaması, digər tərəfdən isə naften və aromatik karbohidrogenlərin və qatranların yüksək miqdarda olması ilə izah olunur.